اسلام آباد: فاروق نائیک ہفتے کو پاکستان کے صدارتی انتخابات کے لیے آصف علی زرداری کے کاغذات نامزدگی جمع کرائیں گے۔

ذرائع کا کہنا ہے کہ آصف علی زرداری اتحادی جماعتوں بشمول مسلم لیگ ن، پیپلز پارٹی اور دیگر اتحادیوں کے صدارتی امیدوار ہوں گے۔

فاروق نائیک نے گزشتہ روز صدارتی انتخاب کے لیے نامزدگی فارم حاصل کیا تھا۔

واضح رہے کہ اسلام آباد ہائی کورٹ کے چیف جسٹس کو سینیٹ اور قومی اسمبلی میں صدارتی انتخاب کے لیے پریزائیڈنگ افسر نامزد کیا گیا ہے۔

الیکشن کمیشن آف پاکستان (ای سی پی) نے جمعہ کو صدارتی انتخابات کے شیڈول کا اعلان کر دیا۔

ای سی پی کے شیڈول کے مطابق صدارتی انتخاب کے لیے پولنگ 9 مارچ کو صبح 10 بجے سے شام 4 بجے تک ہوگی۔

کاغذات نامزدگی 2 مارچ (آج) دوپہر 12 بجے تک جمع کرائے جاسکتے ہیں۔

ریٹرننگ آفیسر (آر او) 4 مارچ کو صبح 10 بجے کاغذات نامزدگی کی جانچ پڑتال کریں گے جبکہ صدارتی انتخابات کے لیے امیدواروں کی حتمی فہرست 5 مارچ کو دوپہر 1 بجے آویزاں کی جائے گی۔

پی پی پی اور مسلم لیگ (ن) کے درمیان اقتدار کی تقسیم کے مذاکرات کے دوران آصف زرداری کو سربراہ مملکت کے طور پر منتخب کرنے پر اتفاق کیا گیا۔